Is post mein hum aap ke liye laaye hain Amazing Golden Quotes in Urdu zuban mein.
Achchi baatein kisi ki bhi kahi hui hon, uske baare mein hum sab ko jaanna chahiye aur usse fayda uthana chahiye. Kyun ke kabhi kabhi wo baatein intni asardar hoti hain ki seedha dil mein utar jaati hain jiske baad insaan ki zindagi ka poora rukh hi ekdum se badal jaata hai. Hikmat se bhare aise hi kuch khaas aqwal e zareen hum aap ke samne pesh kar rahe hain.
Chaliye dekhte hain ki aap in hikmat se labrez qeemti aqwal se kya seekh sakte hain.
Amazing Golden Quotes in Urdu
Quote: #1
Dunya ki sab se mehngi cheez bharosa hai jise kamane mein saalon aur ganwane mein sirf second ka waqt lagta hai.
Quote: #2
Jo tumhare khush hone par khush hon aur tumhare ghamgheen hone par gham mein doobe, unse khoon ka rishta ho na ho, wahi tumhare apne hain.
Quote: #3
Kisi ko uski zaat, nasal, rang, makaan aur libaas ki wajah se haqeer aur kamtar mat samajhna kyun ke tumhein dene wala aur usey bhi dene wala ek hi Allah hai.
Quote: #4
Allah ki di hui dheel ko apni chalakiyan mat samjho jis din usne rassi kheench li munh ke bal hi kiroge.
Quote: #5
Ye tumhara jo nafs hai tum agar isey khair mein masroof nahi kar lete to ye tumhein shar mein masroof kar lega.
Quote: #6
Jab aap oochaiyon ki seedhiyan chadh rahe hon to peechhe chote logon se bahut achcha bartao karein kyun ke utarte waqt ye sabhi raaste mein phir milenge.
Quote: #7
Dariya ko paar karne ke liye kashti ek sabab zaroor hai lekin bhanwar se nikalne ke liye phir dua ke safeene ki zaroorat hoti hai.
Quote: #8
Tum duniya mein har shakhs se jeet sakte ho magar usse kabhi nahi jeet sakte jo aap ke liye haar jaye.
Quote: #9
Zindagi mein achcha faisla karne ki salahiyat tajurbe se paida hoti hai aur aksar tajurba ghalat faislon se hi aata hai isliye pachhtawa karne ki bajaye apni ghaltiyon se sabaq haasil karein aur zindagi mein qadam aage badhate rahein.
Quote: #10
Bura waqt insaan ko itna nahi todta jitna bure waqt mein apno se lagayi gayi ummeedein insaan ko tod deti hain.
Quote: #11
Zyadatar ladkiyan apne bhai se ummeed rakhti hain ke wo buzurg waaldein ki dekh bhaal kare par khud apne shauhar ko us kaam se dur rakhti hain.
Quote: #12
Zindagi ko zaroorat ki tarah guzaro, khwahish ki tarah nahi kyun ke zaroorat faqir ki bhi poori hoti hai lekin khwahish baadshah ki bhi poori nahi hoti.
Watch Golden Quotes in Urdu
To ye they zindagi se jude qeemti aqwal – Amazing Golden Quotes in Urdu.
Humein ummeed hai ki aapko ye article pasand aaya hoga. Baraye meharbani is post ko apne qareebi logon ke sath bhi zaroor share karein.
