Is post mein hum aap ke liye laaye hain Life Quotes in Urdu zuban mein.
Zindagi ko samajhne ke liye zindagi ke qwaneen ke baare mein janna bahut zaroori hai. Agar humein inka ilm pehle se hi hoga to zindagi ko samajhna aur usey achchi tarah se guzarna bahut aasan ho jayega. Isliye life ke talluq se hum kuch khaas aqwal e zareen aap ke samne pesh kar rahe hain.
Chaliye dekhte hain ki aap life se jude qeemti aqwal se kya seekh sakte hain.
Life Quotes in Urdu
Quote: #1
Jab log takleef mein tumhein akela chhod dein to jaan lo Allah tumhara kaam khud apne zimme lena chahta hai.
Quote: #2
Hathyaron se jang to jeeti jaa sakti hai magar dil nahi kyun ki dil sirf kirdar ke sath hi jeete jaate hain.
Quote: #3
Agar rizq aqal aur daanishwari se milta to jaanwar aur bewaqoof bhooke hi mar jaate.
Quote: #4
Rishte khoon ke nahi ehsaas ke hote hain, agar ehsaas ho to ajnabi bhi apne ho jaate hain, agar ehsaas na ho to apne bhi ajnabi ho jaate hain.
Quote: #5
Bardasht karna buzdili nahi balke zindagi ka ek aham usool hai, jis dil mein quwwate bardasht hai wo kabhi bhi haar nahi sakta.
Quote: #6
Chhota zehan wo hai jo thoda bada sochne ke qaabil hote hi doosron ko chhota samajhne lagta hai.
Quote: #7
Shikwe har rishte mein hote hain, hum khud mukammal nahi hote lekin rishte mukammal chahte hain.
Quote: #8
Har waqt apne haal pe shukr adaa kiya karein kyun ke bahut si aisi zindagiyan hain jo aap jaisi zindagi paane ke liye taras rahi hain.
Quote: #9
Kisi se neki karte waqt badle ki ummid na rakho kyun ke achchai ka badla insaan nahi Allah deta hai.
Quote: #10
Aahista chal kar manzil haasil karna tez chalne ki wajah se thak kar raah mein ruk jaane se behtar hai.
Quote: #11
Kisi rishte ko kitni bhi mohabbat se baandha jaaye lekin agar izzat aur lehaz chala jaye to mohabbat bhi chali jaati hai.
Quote: #12
Akhlaq wo cheez hai jis ki qeemat kuch nahi deni padti, Haan! Magar isse har insaan khareeda jaa sakta hai.
Quote: #13
Insaan ki tamam pareshaniyon ki wajah muqaddar se zyada chahna, waqt se pehle chahna aur qina’at pasandi ki kami hai.
Watch Life Quotes in Urdu
To ye they zindagi se jude qeemti aqwal – Life Quotes in Urdu.
Humein ummeed hai ki aapko ye article pasand aaya hoga. Baraye meharbani is post ko apne qareebi logon ke sath bhi zaroor share karein.
